بعض طلاب الثانوية العامة يطالبون بتأجيل الامتحانات في ظل كورونا ، سنتحدث عن رسائل طلاب الثانوية العامة الي وزير التربية و التعليم لتأجيل الامتحانات.
 |
| بعض طلاب الثانوية العامة يطالبون بتأجيل الامتحانات في ظل كورونا. |
بعض طلاب الثانوية العامة يطالبون بتأجيل الامتحانات في ظل كورونا.
وجه بعض طلاب الثانوية العامة و بعض اولياء الامور ، رسائل الي وزير التربية و التعليم ، مطالبة بتأجيل الامتحانات بسبب الظروف التي تمر بها البلاد ، نتيجه تفشي فيروس كورونا المستجد.
خوفا من الطلاب علي انفسهم من الاصابة بالفيروس ، و خوفا من اولياء الامور ان يصاب ابنائهم.
"قال الطالب احمد شوقي احد طلاب الثانوية العامة لاخبارك ثانية بثانية اتمني صوتي يوصل للاعلامي خالد ابو بكر .
حضرتك بجانب التأجيل بسبب الفيروس احنا محتاجين تاجيل عشان نلم المواد الدراسية في ناس كتيرة استهترت بالسنة.
و كانت هتلم المنهج في المراجعات دلوقتي حضرتك المرجعات دي اتلغت و بقي شرح اون لاين.
1- شرح الاون لاين احنا مش عارفين نفهم منه حتي بوجود عدة مدرسين علي اليوتيوب و القنوات احنا عايزين حد قدمنا بيشرح.
2- صعب نعتمد علي نفسنا اننا نلم المنهج الدراسي لوحدنا حتي لو كان قليل بسبب ان احنا دخلنا في مرحلة البؤس و الاكتئاب و النفسية تحت الصفر.
فصعب انا كطالب عندي كل دا و اذاكر لوحدي و اجتهد ببقي محتاج مدرس يشجعني و يمشي معايا خطوة بخطوة يلم لينا المنهج الدراسي.
3- حضرتك لو عقم المدرسة 100% مش هيعرف يعقم المكان خارج المدرسة في مواصلات و في حاجات كتيرة و عوامل بيكون فيها كورونا.
طب هو لو عرف يعقم اللجنة بالكامل هل هيقدر يعقمني وانا عندي كورونا و داخل اللجنة .
دا غير ان الاعراض بتظهر بعد 14 يوم علي و انا مثلا اتصبت بكورونا بقالي فترة بس الاعراض مظهرتش عليا و دخلت اللجنة بعد التعقيم.
لو التعقيم هيعمل كده ما يعالجوا الناس الي بتموت و حضرتك كل يوم الحالات بتزيد بنسبة اكبر من 1000 حالة في اليوم و لسه المعدل هيزيد اكتر.
4 - حضرتك هو لو عاوز يعمل الاعجاز الي امريكا معرفتش تعمله و يكمل التعليم في مصر .
طيب ما نعمل ابحاث زي مدارس النيل او اي حاجة تاني غير اننا ننزل بجانب ان احنا محتاجين وقت نلم المنهج .
يوجد حلين فقط:-
1 - الغاء الثانوية العامة و عمل ابحاث
2- تاجيل الثانوية العامة لحين استقرار الاوضاع
اتمني صوتي يوصل لحضرتك♥
استغاثه احد طلاب الثانوية العامة
قال الطالب حازم عزت انا طالب من طلاب كتير جدا بيلبسوا نضاره و اكيد عارفين لما الواحد بيلبس كمامه وهو لابس النضاره (بتعمل بخار على عدسة النضاره ) .
اولا: الكمامه مش بتمنع الڤيروس انه يصيبك . ثانيا : نصف طلاب الثانويه العامه لابسين نضارات.
وانت عايز تفهمنى يا سيادة الوزير اننا هنقدر نستحمل الخانقه وعدم الرؤيه بوضوح ٣ ساعات فى اغلب المواد و نص.
الطلاب بردو عندهم ضيق تنفس مش هيستحملوا ثلاث ساعات و انت صارف 950 مليون علي شوية كلور و كمامات.
اغلب الطلاب مش هيستخدموها وبكدا الڤيروس هيصيب الكل و لو طالب واحد اتصاب اسره كامله هتتصاب.
اولياء امور طلاب الثانوية العامة
قال عماد محمد احد اولياء الامور ، موضوع امتحانات الثانوية العامة و الدبلومات الفنية في مصر يحتاج الي اعاده النظر فيه و خاصة بعد عوده تزايد اعداد المصابين.
و من الجدير بالذكر ان احدي طالبات الثانوية العامة بأسيوط انتحرت نتيجة خوفها من امتحانات الثانوية العامة فتناولت بعض حبوب الغلال السامة.
فقد تلقي مدير أمن أسيوط إخطاراً يفيد بورود بلاغ من مستشفى القوصية المركزي بان الطالبة " أ.ف.إ" 18 عاما.
طالبة بالصف الثالث الثانوي مصابة بغيبوبة تامة ، و هبوط حاد بالدورة الدموية ، و توفيت أثناء إجراء الإسعافات الأولية لها.
و اقدمت الطالبة على الانتحار بتناول حبوب الغلال السامة خوفا من الامتحانات بمركز القوصية بأسيوط و أمرت نيابة المركز .
برئاسة المستشار ممدوح صلاح التهامي ، وكيل النائب العام بعرض الجثة ، و تشريحها بواسطة الطب الشرعي لبيان سبب الوفاة.
و على الفور انتقلت قوة من مباحث المركز ، و بسؤال أسرة الطالبة أكدوا أن الوفاة نتيجة تناولها حبوب الغلال السامة بقصد الانتحار.
و أضافت أسرة الطالبة المنتحرة انها طالبة بالصف الثالث الثانوي ، و فى الفترة الأخيرة كانت تعانى من اضطرابات نفسية ، و تعانى من حالة الرعب الدائم لمجرد ذكر الامتحانات.
يمكنك ان تشاهد ايضا جدول امتحانات الثانوية العامة و الاجرائات الاحترازية.
لمزيد من الاخبار زور موقعنا اخبارك ثانية بثانية.
تعليقات
إرسال تعليق